حسام حبيب: «شيرين» حبيبة قلبي.. وأعتذر لصوت الوطن العربي

كشف الفنان المصري حسام حبيب عن طبيعة علاقته بطليقته الفنانة شيرين عبدالوهاب عقب الانفصال.

وقال في تصريحات إعلامية «علاقتي بشيرين عبدالوهاب زي الفل، ولا في أي حاجة، والأخوات والأصحاب بيتخانقوا، والناس لو عرفت خناقتنا هتضحك».

وأضاف: «شيرين عبدالوهاب ست عظيمة وفنانة كبيرة، وهي صوت الوطن العربي مش مصر بس، ولو كنت ضايقتها في يوم من الأيام بعتذر لها، ويا رب دايمًا أشوفك النجمة الأولى، وأنا من معجبيها وهي نجمتي المفضلة، وهي صوت عبقري ميتعوضش محدش يملأ مكانها».

وعن طبيعة علاقته بها عقب الطلاق، قال: «بقولها حبيبة قلبي، دايمًا أشوفك ناجحة مكسرة الدنيا، وهي علمتنا يعني إيه إصرار، وكلنا بنتعلم منك رغم صغر سنك، وعايز أقول للناس مفيش بيني وبينها أي نوع من أنواع المشاكل، هي بتحترم جمهورها جدًا، وكلنا في ساعات بنكون مش في أحسن لياقتنا».